Најмалку двајца се убиени, а неколкумина се ранети денеска во пукотница во францускиот град Ница, објави Фигаро.

Пукањето избувнало во населбата Мулен, два дена по пукотницата во истиот дел од градот во која нема повредени.

Според првичните информации, вооружениот човек бил на скутер и го преминал плоштадот пред да отвори оган неколку пати, по што побегнал.

Полициски извор за „Фигаро“ изјавил дека тројца од повредените се во критична состојба, а другите тројца се здобиле со полесни повреди.

Ова е трето пукање во градот во рок од четири дена, по првичните истрели што се слушнале во петокот вечерта во истата населба, а потоа следниот ден во источниот дел на градот.

Висок полициски функционер е убиен во хрватско кафуле