Маск и Тејт во одбрана на познатиот актер обвинет за силување: Добредојде во тимот
Познатиот актер Расел Бренд беше обвинет за силување, сексуален напад и малтретирање на четири жени во текот на седум години, а една жртва била 16-годишно девојче.
Откако се проширија обвиненијата против 48-годишниот актер, според истрагата објавена од лондонскиот „Тајмс“ (Тhe Times) и „Канал 4 Диспечес“ (Channel 4 Dispatches), неколку влијателни, јавни личности застанаа во негова одбрана, пишува „Њујорк пост“.
Преку објави на социјалните медиуми милијардерот Илон Маск, инфлуенсерот Ендру Тејт и политичкиот коментатор Такер Карслон го поддржаа Расел.
Of course. They don’t like competition.
— Elon Musk (@elonmusk) September 15, 2023
„Се разбира. Тие не ја сакаат конкуренцијата“, напиша Маск како одговор на видеото на Расел, во кое тој објаснува дека е мета на „координиран и агресивен медиумски напад“ поради неговите десничарски критики кон медиумите.
Инаку, минатата година Маск беше обвинет за злоупотреба на стјуардеса во 2016 година, а беше објавено дека неговата компанија наводно ѝ платила на жената 250.000 долари за да молчи.
Тејт, кој го чека судењето во Романија за обвиненијата за силување и трговија со луѓе, исто така го поддржа Расел.
Welcome to the club @rustyrockets pic.twitter.com/NS1n8nVSXV
— Andrew Tate (@Cobratate) September 16, 2023
„Добредојде во клубот“, напиша Тејт, покрај сликата на витез од анимиран филм со натпис: „На пат сум да се борам против обвинувањата на лудите кучки“.
Политичкиот коментатор Карлсон, исто така, се огласи, коментирајќи: „Критикувајте ги фармацевтските компании, доведете ја во прашање војната во Украина и можете да бидете прилично сигурни дека ова ќе ви се случи“.
Criticize the drug companies, question the war in Ukraine, and you can be pretty sure this is going to happen. https://t.co/3T7GjBddA5
— Tucker Carlson (@TuckerCarlson) September 16, 2023
Актерот велеи дека обвинувањата потекнуваат од времето кога тој бил „многу, многу промискуитетен“, за што рече дека пишувал обемно во своите книги. Но, тврди дека во тоа време на промискуитет, односите што ги имал биле апсолутно, секогаш консензуални.