Македонскиот повремен репрезентативец потпиша со ГРК Охрид најмалку до 2028 година. Игра на позицијата среден бек, има 26 години (178 cm) и следната сезона ќе го носи дресот со број 11.

Доаѓа од шпанското првенство и одличните настапи за тимот на Ваљадолид по две сезони, а пред тоа го носеше дресот на ракометниот клуб Вардар 1961.

– Се радувам што ќе бидам дел од ГРК Охрид, клуб кој расте од година во година. Уште од првите разговори ми се допадна идејата и проектот по кој клубот сака да се движи во наредните години. Со нетрпение чекам да настапам пред охридската публика и верувам дека заедно ќе се радуваме и ќе ги исполниме целите на клубот – изјави Карапалевски.

Потсетување, следната натпреварувачка сезона дресот на ГРК Охрид ќе го носат и хрватскиот репрезентативен голман Дино Славиќ и унгарскиот репрезентативен десен бек Доминик Мате.

Во меѓувреме, клубот за оваа сезона се засили со јапонскиот среден бек Косуке Јасухира кој дојде на позајмица од екипата на Бурган од Кувајт.