Маричиќ: Максимално користење на ИПА средствата за реалните потреби на граѓаните
Без разлика на кризата во светски рамки, не се откажуваме од зацртаниот приоритет – спроведување на реформската агенда, регионалниот развој и создавање услови за нови инвестиции со цел напредок во евроинтеграцискиот процес и постигнување на европските стандарди и вредности дома, за нашите граѓани, истакнаа вицепремиерите Бојан Маричиќ и Фатмир Битиќи на денешниот координативен состанок за претпристапните ИПА фондови.
Маричиќ и Битиќи разговараа за актуелните активности од Интервентниот план за инвестиции, како и за следните чекори од првата фаза на Националната стратегија за развој 2021 – 2041 година.
– Искористувањето на ИПА финансиските средствата мора да биде за реалните потреби на граѓаните, затоа и координирано пристапуваме во планирањето и креирањето проекти кои ќе се темелат врз приоритетите на Националната стратегија, а истовремено ќе се во кохезија со европските политики, рече вицепремиерот Маричиќ.
Вицепремиерите ги договорија следните активности во делот на проектите од Европскиот и инвестицискиот план како приоритетни за финансирање преку Инвестициската рамка за Западен Балкан, со фокус на зелената агенда на Република Северна Македонија, особено преку инвестициите во обновливите извори за енергија и управувањето со отпадот.