Маричиќ: Да не си поставуваме бариери сами на себе
Треба да бидеме мудри и сами на себе да не си поставуваме бариери. Не би било одговорно да го одбиеме овој предлог во кој сме ги постигнале нашите клучни барања и да се надеваме дека ќе ни биде понуден друг подобар. Во вистинските моменти ни требаат навистина и мудри и државнички одлуки, порача вицепремиерот са европски прашања Бојан Маричиќ по средбата во Скопје со германскиот специјален претставник за Западен Балкан, Мануел Сарацин.
-Пред нас имаме европски предлог за отпочнување на преговорите со ЕУ кои ги вклучува сите македонски позиции и забелешки со кои преговорите ќе започнат веднаш по неговото одобрување. Ова е шанса за Северна Македонија. Ова е пакет кој треба да го определи нашиот тек на преговорите со ЕУ од сега па до крајот на преговорите и пакет кој треба да затвори еден сериозен спор што го имаме со Бугарија. Имаме два клучни интереси – да го зачуваме нашиот идентитет и јазик и да станеме членка на ЕУ. Мислиме дека новиот француски предлог тоа го овозможува, рече Маричиќ.
Спред него, во наредните денови без преголемо одлагање треба да донесеме одлука каква и да биде таа. Сметаме дека ова е можност која не треба да се пропушти. Вреди да собереме сила и да го направиме и одвој чекор за кој чекаме веќе 17 години. До сега времето работеше за нас, но во услови на војна во Украина ова е шанса која сериозно треба да ја земеме во предвид и сметам дека натамошни одлагања нема да бидат во наш интерес, вели тој.
Можеме, додаде, да се надеваме и на подобар предлог, се надевавме и во 2008 година кога го добивме ветото за членство во НАТО на подобар предлог со Грција, а 10 години подоцна го решивме тоа прашање во многу понеповолна позиција од таа што ја имавме во 2008 година.
-Владата го про овира овој предлог пред сите страни со сите негови добри и лоши страни и сметаме дека е шанса која не треба да ја испуштаме. Ова е национална задача без разлика на етничката и политичката припадност. Ако сега го одбиеме ова ќе треба во идно време повторно да преговараме од почеток, а не да продолжиме каде што сме застанале, истакна Маричиќ.