Манчестер сити на еден натпревар ќе го промени името на својот стадион
Манчестер сити викендов привремено ќе го промени името на својот стадион за натпреварот против Брентфорд во Премиер лига.
Препорачано
Наместо вообичаеното име „Етихад“, стадионот ќе биде преименуван во „The City in the Community Etihad Stadium“, во чест на хуманитарната организација „City in the Community“, која е официјална добротворна фондација на клубот.
Клубот подготви и низа дополнителни активности за промоција на организацијата. Фудбалерите ќе истрчаат на теренот во јакни со логото на фондацијата, додека Рубен Дијаш снимил специјални аудио-пораки за автобусите и трамваите што сообраќаат кон стадионот.
Во кампањата се вклучени и ученици од локалните училишта, кои ги изработиле графиките со фудбалерите за социјалните мрежи на клубот.
Иако Манчестер сити во текот на целата година ја поддржува фондацијата преку донации и промотивни активности, традиција е една првенствена средба по сезона целосно да биде посветена на работата на организацијата. Сега тоа ќе биде во дуелот со Брентфорд.
Избраниците на Пеп Гвардиола ќе се обидат со победа дополнително да го одбележат настанот и да останат во трката за шампионската титула во Англија.
