Малото кученце со големо име е вистински заштитник на украинските војници: Тој е нашиот чувар!
Малечкото кученце со име Рамбо е вистински вирален хит деновиве, откако на Твитер мрежата беше споделено видео во кое ова кутре е „рамо до рамо“ во првата линија на одбрана со украинската војска.
Во видеото, самите војници кои одговараат на прашањата за Рамбо, велат дека тој е нивен чувар и многу им помага да слушнат ако некој непознат се приближи.
"Rambo" The dog wich defends Ukranian Soldiers#war #ukraine #russia #cute #conflict #soldiers pic.twitter.com/Liu0LyIue0
— Ukraine War News (@CriptonSpace) February 25, 2022
„Тој е нашиот заштитник, така ли е, Рамбо? – вели еден од војниците.
Во прилогот на „Freedom News“, војниците објаснуваат како го пронашле, дека бил малечок колку да го собере во една дланка, но го задржале и покрај него имаат уште две кутриња, кои главно се врткаат во кујната.
„Тој е обезбедување, тоа му е работа“ – вели војникот. Тој е пес чувар, и многу добро слуша ако некој непознат се приближи.“
Рамбо покрај својата улога на заштитник, им помага на војниците во одржување на расположението во мрачните и тешки воени услови.