Макрон се соочува со најтешкиот момент во својот мандат
Довербата во францускиот претседател Емануел Макрон падна на 25%, најниско ниво од неговото доаѓање на власт во 2017 година. Новото истражување Toluna-Harris Interactive за LCI покажува дека јавноста сè помалку верува во политичкиот курс на Елисејската палата. Паралелно, рејтингот на премиерот Себастијан Лекорну исто така опаѓа, што отвора прашања за стабилноста на владата и нејзиниот капацитет да одговори на растечкото незадоволство во земјата.
Довербата на нацијата во претседателот на Франција Емануел Макрон падна во декември на само 25 отсто, јавуваат француските медиуми повикувајќи се на денеска објавените резултати од истражувањето на јавното мислење, објави „TF1info“.
Препорачано
„Божик не ја врати довербата на францускиот народ во извршната власт. Според интерактивниот барометар Толуна-Харис за LCI, објавен овој петок, само 25% од населението вели дека му верува на претседателот Емануел Макрон“, пишува порталот TF1info, наведувајќи дека тоа е за четири процентни поени помалку отколку во ноември.
Шефот на државата го достигна својот најнизок рејтинг од стапувањето на функцијата во 2017 година, што е еднакво на нивото забележано во октомври 2025 година, истакнува TF1.
Истовремено, истражувањето покажува дека францускиот премиер Себиастијан Лекорну во декември ужива доверба кај 34% од испитаниците, но и неговиот рејтинг е во пад – за еден процентен поен во однос на ноември.
ФОТО | Џеј Ди Венс тренираше со морнаричките „фоки“: Се чувствувам како да ме удрил воз
