Македонскиот центар ИТИ/Продукција извести дека во втората половина на септември 2023 година, театарски уметници од Македонија ќе учествуваат на Меѓународната театарска резиденција („Crossroads and Borders“ / Проект: Е.Т.Е.Р.И.А.) во Констанца, Романија.

На резиденцијата ќе одат актерките Филарета Атанасова (театарска и филмска актерка од независниот сектор), Наташа Петровиќ и Симона Спировска од НУ Театар за деца и млади – Скопје, како и Иванка Апостолова Баскар, визуелен драматург, креативен продуцент/режисер на видео театарски проекти.

На театарската резиденција уметниците ко-креативно ќе создаваат во рамките на „Inter-community Labs“ и ќе ги претстават своите уметнички резултати. Проектот е поддржан од ЕУ / Креативна Европа.

Во рамките на резиденцијата ќе бидат прикажани и материјалите од новиот видео театарски проект на Македонскиот центар ИТИ/Продукција: „А-Ц-И-Н-С-Е-Л-А-К“ (видео монодрама – женска верзија – улога: Филарета Атанасова) и „Krieg“ (видео монодрама – машка верзија – улога: Здравко Стојмиров), известија од Македонскиот центар ИТИ/Продукција.