Главниот берзански индекс МБИ10 за најликвидните и нарепрезентативните 10 акции на Македонската берза паѓа од 25 февруари. Денес напладне тој е во минус 0,21 проценти.
Берзата реагираше на низа настани што кулминираа со интервенцијата на САД и Израел врз Иран во саботата.

Вчера, од 10 компаниски акции само на две им се зголеми цената. Скромен раст имаа „Адинг“ за 0,02 проценти и „Реплек“ за 0,03 проценти. Со непроменета цена беа државната хартија од вредност и акцијата на „Гранит“, додека „Алкалоид“ забележа негативна промена од 0,48 проценти, Комерцијална банка од 0,83 проценти, НЛБ банка од 1,77 проценти, ТТК банка од 2,13 проценти, „Фершпед“ од 0,10 проценти и „Макептрол“ од 0,51 проценти.

Безрите ширум светот реагираат по интервенцијата на САД и Израел врз Иран. Инвеститорите стануваат воздржани, а обесхрабрувачка е и денешната вест што ја објавија светските медиуми дека иранската Револуционерната гарда има „целосна контрола“ врз Ормускиот теснец, клучен премин за испорака на нафта по море и порта кон Персискиот Залив.