Најдобрата македонска фудбалска репрезентација има пад од едно место на најновата ФИФА ранг-листа на која моментно се наоѓа на 67. место со 1372 поени.

Во изминатиот период нашите најдобри фудбалери предводени од селекторот Гоце Седлоски одиграа два натпревари со учинок од еден пораз и реми.

Во полуфиналето од плејофот за пласман на Светското првенство 2026 загубивме со 4:0 од Данска во Копенхаген, а потоа во Даблин одигравме без голови (0:0) во пријателскиот натпревар против Република Ирска.

На врвот сега е Франција (1877 поени) која напредуваше за две места, а на втората позиција падна Шпанија.

За едно место назадуваше и Аргентина која сега е третопласирана, Англија остана на четвртото место, Португалија скокна на петтата позиција, а Бразил падна на шестото место.

Редоследно од седмата до 10. позиција се наоѓаат: Холандија, Мароко, Белгија и Германија. Целосната ФИФА ранг-листа можете да ја погледнете на следниот ЛИНК.