Македонија и Косово ќе играат на 8 октомври, финалето кое носи виза за ЕП на 12 ноември
Македонската фудбалска репрезентација бараж натпреварот од Лигата на нации против Косово ќе го игра 8. октомври, а финалето кои носи и пласман на Европското првенство е заканажано за 12 ноември, одлучи УЕФА на денешниот состанок на Узвршниот комитет.
УЕФА на одредување на календарот работеше во последните два месеци, а причина за тоа е пандемијата на коронавирусот која го стави спортот во карантин цели три месеци. Првичниот датум за полуфиналниот дуел од Лигата на нации против Косово беше 26. март, а натпреварот требаше да се игра на Националната Арена „Тодор Проески“.
Доколку Македонија го совлада Косово во финалето на баражот на 12 ноември ќе се сретне со подобриот од натпреварот Белорусија – Грузија.
Еден месец порано, избраниците на селекторот Игор Ангеловски ќе стартуваат во новото издание на Лигата на Нации каде ќе играат во Ц дивизијата, а противници се селекциите на Грузија, Ерменија и Естонија.
Во септември се предвидени да се играат првите две кола од новото издание на Лигата на нации и тоа во термините 3/4/5 и 6/7/8 септември. Во октомври термините се 10/11 и 13/14, а во ноември 17 и 18.