ЛШ: Томас Милер верува дека Баерн може да го елиминира Манчестер сити
Манчестер сити има предност од 3:0 против Баерн Минхен од првиот натпревар во четвртфиналната фаза на Лигата на шампионите.
Фудбалерот на германскиот клуб, Томас Милер изјави дека неговата екипа има шанса да го елиминира англискиот претставник од елитното клупско натпреварување.
– Верувам дека сè уште имаме шанси да се пласираме во полуфиналето на Лигата на шампионите. Мора добро да го започнеме натпреварот, можеби ќе постигнеме барем еден гол во првото полувреме. Не мора да водиме со 3:0 по првите 10 минути, туку мораме да постигнеме барем еден гол во првото полувреме. Доколку постигнеме втор гол до 80 минута и не примиме, ќе имаме уште 15 минути. Верувам дека сè е можно – вели Милер.
Реванш мечот на „Алијанц“ арената ќе се игра денеска од 21.00 часот.
Победникот од овој двомеч во полуфиналето ќе ги одмери силите против Реал Мадрид кој претходно го елиминираше Челси.