ВИДЕО | ЛШ: Милан го чека Интер за градско дерби во полуфиналето, крај на европскиот сон за Елмас и Наполи
Најуспешните тимови во историјата на Лигата на шампионите се и првите полуфинлисти сезонава во најелитното европско натпреварувања. Милан и Реал Мадрид славеа нови победи.
Наполи беше фаворит во двомечот со Милан најмногу поради актуелната форма на двата тима. Наполи игра фантастично во Серија А и скоро веќе и да го обезбеди Скудетото, меѓутоа во двомечот од ЛШ како да им недостасуваше искуство против „росонерите“. Во првиот натпревар беа поразени со 1:0, а вечерва одиграа реми 1:1.
И во овој натпревар вечерва, како и во Милано, Наполи имаше повеќе од играта, но Милан е тој кој на крајот се радуваше. Жиру ги доведе „росонерите“ во водство во првиот дел, додека конечните 1:1 ги постави Осимен во самиот финиш.
Видовме и два промашени пенали, стрелецот Жиру не реализираше за Милан, додека кај Наполи таква прилика пропушти Кварацхелија. Елмас во игра влезе во 62-та минута, но не успеа да промени многу на теренот.
Овој пласман ан Милан помеѓу најдобрите четири значи и дека во полуфиналето можеме да гледаме миланско дербо, затоа што Интер утре ја пречекува Бенфика со одлична предност од 0:2 во првиот натпревар, а победникот од тој двомеч вкрстува со „росонерите“.
Челси е во резултатска криза, па Реал е и очекувано во полуфиналето. По победата во првиот натпревар, вечерва момците на Анчелоти рутински ја одработија задачата и не дозволија некаков пресврт. Стрелец на двата гола беше Родриго.