Реал Мадрид и оваа сезона има огромни проблеми со повредите. Тренерот на екипата Карло Анчелоти долго време е без половина тим, а сега пристигна нова лоша вест – Брахим Дијаз ќе паузира три месеци.

Раководството на шпанскиот фудбалски клуб се обиде да направи нешто со менување на целиот медицински тим. Сепак, ниту тоа не помогна.

Давид Алаба е подолго време надвор од терените и наскоро се очекува неговото враќање, а моментално „Кралевите“ не сметаат на Џуд Белингам, Аурелиен Чуамени, Едуардо Камавинга, Дани Себаљос…

На листата на повредени се приклучи и Мароканецот Дијаз. Тој синоќа се повреди на натпреварот против Реал Сосиедад и го напушти натпреварот по 25 минути.

Вестите кои доаѓаат од Мадрид не се добри, извршени се прегледи и се проценува дека 25-годишниот марокански фудбалер ќе отсуствува од терените три месеци.