Фудбалерот на Барселона, Дани Олмо се повреди во натпреварот кој каталонскиот гигант го доби со 1:4 против Жирона и натпреварот го напушти по нешто повеќе од еден час игра.

Денеска врз Олмо беа направени дополнителни тестови кои не донеле добри вести за тренерот Ханси Флик.

Имено, повредата на Олмо била посериозна отколку што се претпоставувало и тој ќе паузира од четири до шест недели, место само една недела како што првично се најавуваше. Повредата Олмо ја заработи на десниот бутен мускул.

Поради повредата тој ќе го пропушти стартот на Лигата на шампионите, неколку натпревари во Ла Лига, но веројатно и октоврскиот циклус од Лигата на Нации за Шпанија.

ВИДЕО: Миовски од клупата го гледаше триумфот на Барса против Жирона