Мило ми е дека бизнисменот Орце Камчев се најде на „црната листа“ на САД, изјави Министерот за правда Кренар Лога одговарајќи на новинарско прашање. Министерот го лоцира камчев  како еден од главните спонзори за уништување на Специјалното јавно обвинителство (СЈО).

-Тоа што му се случи на господинот Камчев беше очекувано, но всушност правосудните органи во Македонија не го гледаат тоа. Господинот Камчев е еден од главните спонзори за уништување на СЈО и неговото име се поврзува со многу други проблеми во државата денес. Мило ми е што се најде на црната листа на САД, но многу ми е жал за судскиот систем во Македонија, не го видоа и продолжуваат да не го гледаат на начин на кој очекува обичниот граѓанин – рече Лога.

Министерот најави дека тој како член на Судскиот совет ќе побара да се проверат сите пропусти направени во текот на постапката за сите случаи каде што е обвинет Јордан „Орце“ Камчев.

Камчев од вчера е на црната листа на САД како дел од поединци и субјекти за кои американските власти сметаат дека ја поткопуваат или загрозуваат стабилноста на Западен Балкан преку корупција и другo дестабилизирачко однесување.