Фудбалерите на Ливерпул одиграа само 1:1 со Барнли на „Енфилд“, во натпреварот од 22 коло од Премиер лигата.

„Црвените“ го одиграа четвртиот натпревар по ред во првенството, во средба со претпоследниот тим на табелата.

Играчите на Арне Слот имаа сè во свои раце, и покрај промашениот пенал на Доминик Собослај во 32 минута. Само 10 минути подоцна, Флоријан Вирц го искористи додавањето на Кертис Џонс.

Барнли се мачеше во продолжението и во 65 минута примија гол од Маркус Едвардс, кој ја погоди мрежата на Алисон Бекер.

Домашните нападнаа во финишот, Коди Гакпо, Уго Екитике имаа шанси, но Мартин Дубравка беше на висина на задачата.

Ливерпул е четврти на табелата со 36 бода, додека Барнли е на 19 позиција со 14 бода и чека на победа речиси три месеци.

Во другите денешни мечеви: Челси – Брентфорд 2:0, Лидс – Фулам 1:0, Сандерленд – Кристал палас 2:1, Тотенхем – Вест хем 1:2.