Социјалната мрежа Икс (порано Твитер) е едно од главните места каде што се формираат мислења, се водат трендови и се споделуваат вести во реално време. Подолу е листа на 10-те најследени луѓе на Икс во 2025 година (од ноември 2025 година), која вклучува луѓе од политичари до музичари.

10. Лејди Гага

Со 79,5 милиони, Лејди Гага се рангираше на 10-то место меѓу најследените луѓе на Икс. Музичарката, позната по својот уникатен стил и моќен глас, најчесто споделува содржини поврзани со нејзината музика, настапи, концерти и премиери на социјалната мрежа.

9. Тејлор Свифт

Тејлор Свифт, со 91 милион следбеници, го зазеде 9-то место. Пејачката има свои обожаватели, Свифтис, кои верно ја следат на сите социјални мрежи. На Икс, таа најчесто објавува содржини поврзани со нејзината музика, а во последно време фокусот е на нејзиниот нов албум „The Life of a Showgirl“, кој беше објавен на 3 октомври.

8. Кети Пери

Следна на листата е уште една музичарка, која заврши на 8-мо место со 100,8 милиони следбеници. Кети Пери најчесто споделува содржини поврзани со нејзината музика и концерти на Икс, но и разни слатки и смешни мемиња.

7. Џастин Бибер

На 7-мо место е канадскиот пејач Џастин Бибер, кој постојано ја забавува својата публика со фотографии од своето секојдневие. Тој има 105,3 милиони следбеници, за кои секојдневно објавува клипови со сопругата и синот.

6. Ријана

Пејачката и претприемачка Ријана се најде на 6-то место со 105,5 милиони следбеници. Таа не објавува многу често на Икс, а уште помалку откако го роди своето трето дете. Таа најчесто споделува содржини за својот бренд, со малку помалку содржини поврзани со музиката и нејзиниот личен живот.

5. Нарендра Моди

Со 108,5 милиони следбеници, индискиот премиер Нарендра Моди е на 5-то место. Политичарот, кој е премиер од 2014 година, е познат по своите реформи. Тој е многу активен на социјалните медиуми и ја користи платформата за промоција на своите иницијативи и политики.

4. Доналд Трамп

Американскиот претседател Доналд Трамп го зазеде 4-то место со 109,9 милиони следбеници. Тој е познат по својата директна комуникација и често го користи Икс за да се обрати до јавноста. Тој ги изразува своите коментари, критики, реакции, но исто така ги промовира своите политики.

3. Кристијано Роналдо

На листата се наоѓа и спортистот, фудбалерот Кристијано Роналдо, кој се најде на третото место со 113,9 милиони следбеници. Португалецот е многу активен на социјалните мрежи, а на Икс најчесто споделува содржини поврзани со фудбалот. Често се фали со некоја награда што ја освоил или интервју што го дал.

2. Барак Обама

На високо второ место е поранешниот претседател на САД, Барак Обама, со 128,7 милиони следбеници. Тој активно ги користи социјалните медиуми, вклучувајќи го и Икс, за комуникација со јавноста, промоција на своите проекти и инспирирање на младите луѓе да учествуваат во општествениот и политичкиот живот.

1. Илон Маск

Првото место го зазема американскиот претприемач Илон Маск, кој има 228,7 милиони следбеници на Икс. Тој е познат по основањето на „Tesla“ и „SpaceX“, а објавува за технолошки иновации, неговите проекти, деловни одлуки, а понекогаш и контроверзни коментари на социјалните медиуми, редовно привлекувајќи глобално внимание.