Очекувани победи запишаа Шахтјор, Стразбур, Кристал Палас…

Еден од најинтересните дуели во 5. коло од Конференциската лига се одигра во Ријека, каде хрватскиот претставник убедливо го совлада словенечкиот шампион Целје со 3:0.

Иако првото полувреме заврши без голови, Ријека целосно доминираше во вториот дел. Аду Аџеи донесе водство во 56. минута, Словенецот Дејан Петровиќ ја удвои предноста по уште 15 минути игра, а конечните 3:0 ги постави Фрук во 78. минута.

 Со овие три бода, Ријека значително ги зголеми шансите за пласман во нокаут фазата, иако во последното коло ја чека тешко гостување против Шахтјор во Полска.

На врвот на табелата се искачи Стразбур, кој со голот на Годо во 35. минута минимално славеше во Шкотска против Абердин – 1:0.

Зад нив е Шахтјор, кој рутински го помина Хамрун на Малта со 2:0. Стрелци беа Меирелеиш во 61. и Силва три минути подоцна.

Раков во Полска со гол од пенал на Норвежанецот Џонатан Брунес (45+5’) го совлада Зрињски со 1:0 и обезбеди пласман во елиминациската фаза коло пред крај.

Кристал Палас лесно ја заврши работата во Република Ирска, победувајќи го Шелбурн со 3:0, сите голови во првиот дел – Уче (11’), Нкетија (25’) и Пино (37’).

Мајнц освои само бод на гостувањето кај Лех Познањ – 1:1. Кавасаки донесе водство за Германците, но Ишак од пенал во 41. минута погоди за реми кое ги остава Полјаците во игра за европска пролет.

Најголемото изненадување дојде од Гибралтар, каде Линколн направи пресврт и ја совлада чешката Сигма со 2:1. Васулин им донесе водство на гостите, но автогол на Коутни во 19. минута и погодокот на Позо во 73. минута донесоа голема победа за домаќините, кои сега се во плеј-ин зоната.