Лига Европа: Сон и Кејн ќе бидат најголемата опасност во Скопје! (ВИДЕО)
После триумфот над Саутемптон (2:5) во Премиер лигата, сите погледи беа насочени кон двајца играчи, Сон Хјунг-мин (28) и Хари Кејн (27).
Дефинитивно овие фудбалери ќе бидат и најголемата опасност в четврток (24 септември) за Шкендија во рамките од третото квалифификациско коло на Лига Европа. Победникот во плеј-офот за пласман во групите на ЛЕ ќе игра против рускиот Ростов или Макаби Хаифа од Израел.
Тетовските „црвено-црни“ и Ернест Ѓока на Националната арена „Тодор Проески“ – Скопје (20.00 часот) ќе се соочат против премиерлигашкиот гигант Тотенхем на Жозе Мурињо.
Лондонскиот клуб има густ распоред месецов, а поради позитивните случаи на коронавирус во Лејтон Ориент, денеска нема да го игра натпреварот од Лига купот, па така играчите на португалскиот менаџер ќе добијат повеќе одмор пред гостувањето во нашиот главен град.
И натаму Тотенхем на социјалните мрежи споделува впечатоци од дуелот против Саутемптон, Сон блескаше со четири голови, (негов прв премиерлигашки хет-трик) а четирипати му асистираше Кејн.
Sonny's reaction at full-time after scoring his first @premierleague hat-trick was just ? ? ?#THFC ⚪️ #COYS pic.twitter.com/6ThWp1Ce6v
— Tottenham Hotspur (@SpursOfficial) September 22, 2020
Во претходниот период клубот се пофали и со новите засилувања во составот, Регулион и Бејл кои дојдоа од редовите на Реал Мадрид. Секако, тука и други звучни имиња како Алдервирелд, Ламела, Сисоко, Моура, Деле Али, Ндомбеле..
Исто така Тотенхем се пофали и со една неверојатна одбрана на францускиот голман Уго Лорис токму од дуелот на стадионот „Ст. Мери`с“:
Not forgetting this ??? save from the skipper on Sunday ?#THFC ⚪️ #COYS pic.twitter.com/QiasYwnRvd
— Tottenham Hotspur (@SpursOfficial) September 22, 2020
