Екипата на Шкендија која остана единствен македонски претставник во квалификациите за Лигата на Европа, доби вистинска премија за противник во наредното коло во името на англискиот Тотенхем, а денеска го дозна и последниот противник пред групната фаза.

Шкендија на 24. септември на Националната Арена „Тодор Проески“ ќе ги пречека Тотенхем и менаџерот Жозе Мурињо, а според последните најави, најголемото засилување Герет Бејл, нема да биде во комбинација за настап.

Доколку направат подвиг, тетовци во плеј-оф рундата која е последен филтер пред пласман во групната фаза во ЛЕ ќе играат со подобриот од дуелот помеѓу руски Ростов и Макаби Хаифа.

Натпреварот од плеј-офот треба да се игра на 1. октомври, а доколку Шкендија го елиминира Тотенхем, повторно ќе игра на домашен терен.