Одложен мечот во Лига купот, Тотенхем веќе се фокусира на Шкендија
Официјално денеска нема да се игра натпреварот (кој беше планиран да стартува од 19.00 часот) од третото коло во Карабао лига купот помеѓу Лејтон Ориент и Тотенхем.
Причина се позитивните случаи на коронавирус во екипата на Лејтон Ориент, не е познат бројот на заразени играчи.
Се знае дека тие беа тестирани после саботното реми против Менсфилд таун во втората англиска лига.
Tonight’s @Carabao_Cup match against @leytonorientfc is not taking place this evening as scheduled. #THFC ⚪️ #COYS
— Tottenham Hotspur (@SpursOfficial) September 22, 2020
Така, играчите на Жозе Мурињо ќе добијат нешто поголем одмор пред натпреварот в четврток во рамките од третото квалификациско коло на Лига Европа.
Потсетување дека на 24 септември на Националната арена „Тодор Проески“ – Скопје (20.00 часот), екипата на Шкендија ќе го пречека премиерлигашкиот гигант.
Тотенхен има густ распоред овој месец, во неделата со 2:5 го совлада Саутемптон во Премиер лигата, а во истото натпреварување оваа недела во Лондон е домаќин на Њукасл (15.00 часот).