Иранскиот рапер Томај Салехи осуден на смрт поради протест
Дисидентскиот рапер Тоомај Салехи е осуден на смртна казна поради неговата вмешаност во широко распространетите протести што го зафатија Иран во 2022 година, изјави неговиот адвокат.
„Издадена е наредба за егзекуција на Томај Салехи“, напиша на Твитер адвокатот на Салехи, Амир Раесјан, пренесува „CNN“.
Раперот е приведен, држен во самица и наводно бил мачен по апсењето.
Во потег без преседан, судот во Исфахан ја промени одлуката на повисокиот Врховен суд за случајот на Салех во вторникот, потврдувајќи ја првичната пресуда и изрече максимална смртна казна, според иранските прореформски медиуми „Шарг“ и „Ентекхаб“.
Државните медиуми објавија дека казната на Салехи ќе биде предмет на намалување од комисијата за помилување доколку тој повторно поднесе жалба.
Салехи (32), кој го критикуваше иранскиот режим и отворено зборуваше против владата во рап стихови и на социјалните мрежи, накратко беше ослободен од затвор минатата година пред полицијата насилно повторно да го уапси и да го испрати во затвор во Исфахан.
Тој беше повторно уапсен откако се појави на видео каде што откри дека бил мачен и ставен во самица 252 дена по неговото апсење во октомври 2022 година, велат експертите на ОН во соопштението објавено од Канцеларијата на Високиот комесаријат за човекови права на ОН.