ФОТО+ВИДЕО | Беше прогласена за четврта најубава жена во светот: Се сеќавате ли на Македонката што ја прослави Југославија на светската сцена на убавината?
Лидија Велковска е една од најпознатите македонски убавици со значајна кариера на меѓународните избори за убавина. Во 1975 година, како претставничка на Македонија, таа се пријави на изборот за „Мис на Југославија“ и ја освои титулата.
Препорачано
Како официјална „Мис на Југославија“, на само 18 години Велковска ја претставуваше земјата на „Мис на светот“ во 1975 година, одржан во Лондон, каде што се пласираше меѓу топ пет финалистките, поточно го освои четвртото место во конкуренција со 67 учеснички од целиот свет.
Покрај успешниот пласман во Лондон, Лидија имаше значајна кариера и како манекенка, појавувајќи се на бројни насловни страници во најреномираните југословенски списанија.
Подоцна таа стана сопственичка на лиценцата за изборот „Мис на Македонија“ за светскиот натпревар, и неколку години по ред испраќаше македонски претставнички на светскиот избор за убавина.
View this post on Instagram
За време на истата 1975 година, друга Југословенка, Лидија Маниќ, ја освои титулата „Мис Интернационал“ во 1975 година во Јапонија, што беше значаен успех за југословенската сцена на меѓународните натпревари за убавина.
