Сѐ поизвесно станува дека кандидатот за градоначалник на Скопје од редовите на Левица, Амар Мециновиќ, влегува во вториот круг и исклучително сме задоволни од резултатите, истакна на прес-конференција портпаролот на Левица Круме Богевски.

Според него, во Кисела Вода, Аеродром и во Карпош – Левица е втора партија веднаш по ВМРО-ДПМНЕ.

– Имаме водство пред СДСМ што значи дека ќе имаме повеќе советници. Во Велес имаме повеќе гласови од СДСМ за советничката листа. Имаме позитивни резултати и во Гостивар, а во Кавадарци ни се зголемуваат советничките места од едно на две. Ова е тренд кој се следи во поголемите урбани средини – истакна Богевски.

Портпаролот на Левица кој е носител на советничката листа во Кавадарци, за оваа општина рече дека Левица освоила 1.558 гласа и два советника.