Легендарниот тенисер нема дилеми: Ѓоковиќ е најдобар на сите времиња
Новак Ѓоковиќ одлично ја одигра првата недела од Вимблдон, оствари три победи и се пласира во следното коло, по што повторно започнаа дискусиите за тоа кој е најдобриот тенисер во историјата.
Во дискусиите за признанието најдобар на сите времиња се споменуваат само три имиња, Рожер Федерер, Рафаел Надал и Новак Ѓоковиќ.
Во оваа дискусија се вклучи и легендарниот австралиски тенисер, Пет Кеш за кого нема дилеми кој е најдобриот на сите времиња.
– Доколку сакате да бидете најдобар на сите времиња, мора да имате подобар меѓусебен скор со вашите најголеми ривали. Скорот во меѓусебните дуелите е многу значаен во оваа дискусија – изјави Кеш кој во 1987 година триумфира на Вимблдон.
Ѓоковиќ има подобар меѓусебен скор и со Надал и со Федерер. Тој против Надал води со 30:28 додека Ѓоковиќ е уште поубедлив против Федерер и води со 27:23 во меѓусебните пресметки. Надал пак е поуспешен во дуелите со Федерер и води со 24:16.
– Федерер мора да биде во кругот на најдобрите, тој е играч кој може да направи се. Тој го крена нивото на тенисот на едно повисоко ниво. Надал играше добро волеи, иако не е толку добар во последните години. Но, ритернот, сервисот и ударите од основната линија на Новак се неверојатни – вели Пет Кеш.