Поранешниот англиски репрезентативец Ешли Кол е именуван за нов тренер на италијанскиот второлигаш Чезена.

Италијанскиот второлигаш и Кол постигнале договор за соработка до крајот на сезоната, а поранешниот лев бек ќе ја преземе екипата во момент кога таа се наоѓа на осмото место на табелата во Серија Б.

Токму таа позиција во моментов е последната која обезбедува настап во плејофот за пласман во елитното друштво на италијанскиот фудбал. Осум кола пред крајот на регуларниот дел од сезоната, Чезена има 40 бодови, два повеќе од Судтирол, кој е деветтопласиран и еден помалку од седмопласираната Јуве Стабија, додека шестопласираната Модена со 47 бодови засега изгледа тешко достижна.

За Ешли Кол ова ќе биде прво самостојно тренерско искуство во кариерата. Досега работеше со младинските категории на Челси, а беше и помошник тренер во Евертон, Бирмингем сити и во Фудбалската репрезентација на Англија