Рускиот министер за надворешни работи Сергеј Лавров го опиша како заемно корисен прелиминарниот договор за продажба на блок акции од српската нафтена компанија НИС, во сопственост на „Газпромнефт“, на унгарската компанија МОЛ, пренесе „Раша тудеј“.

„Отворени сме за соработка со сите,” рече Лавров на прес-конференција за резултатите од руската дипломатија.

Тој додаде дека Русија е подготвена да соработува со Соединетите Американски Држави по ова прашање.

„Газпромнефт“ потврди на 19 јануари дека потпишала договор со унгарската компанија. МОЛ, од своја страна, објави дека потпишала обврзувачки прелиминарен договор со „Газпромнефт за купување на 56,15% удел во НИС.

За финализирање на договорот, потребно е одобрување од Министерството за финансии на САД и српските власти. Страните планираат да го потпишат договорот за купување и продажба до 31 март.

Падна договор за НИС: Рускиот удел е продаден, унгарската компанија МОЛ станува мнозински сопственик