Деновиве, на  локации во близина на „Систина“, кај „Реплек“ на улица Васил Чакаларов, во Карпош 4 и на последна 24-ка во Тафталиџе, ЈП „Лајка“ успеала да залови девет бездомни кучиња.

Оттаму велат дека присуството на улични кучиња на овие локации било многупати пријавувано од жителите, но подолг периодм како што тврдат, се соочувале со потешкотии во заловувањето.

Заловените кучиња се безбедно преземени и ќе бидат опфатени со соодветна ветеринарна постапка – здравствен преглед, стерилизација/кастрација и микрочипирање, по што ќе следи нивно враќање или вдомување, согласно законските процедури, велат од „Лајка“.

Како што најавуваат, ќе продолжат со интензивни теренски активности и апелираат до граѓаните и понатаму да пријавуваат проблематични локации, бидејќи само со заедничка соработка може долгорочно да се решава проблемот со бездомните кучиња.

Загрижувачки тренд во Скопје, сѐ повеќе миленици завршуваат на улица