Кајл Кузма во самиот финиш се погрижи за триумф над Денвер синоќа во НБА кошаркарската лига за конечни 124:121.

Најдобрите во Западната конференција, Лос Анџелес Лејкерс ја прекинаа низата од три порази и ја забележаа само втората победа во Орландо.

Од самиот почеток на натпреварот се водеше голема борба, екипата често се менуваа во водство. Во текот на последната четвртина предноста воглавно беше на страната на Нагетси (119:114).

HIGHLIGHTS: @kylekuzma calling game in the final second ? pic.twitter.com/ReFa6bBy1R

— Los Angeles Lakers (@Lakers) August 11, 2020

Но, во последните минути Лејкерси ја презедоа иницијативата, па после поените на Леброн поведоа со 120:119. На четири секунди до крајот Дозир израмни на 121:121, за надеж на Денвер дека може да се избори за продолжение.

Но, тоа не го дозволи Кузма кој реализираше тројка во завршните секунди за победа на неговиот клуб. Истиот играчи го заврши дуелот со 25 поени (11/16 од поле). Поефикасни од него беа Леброн Џејмс со 29 поени (12 асистенции) и Ентони Дејвис со 27 поени.

НБА лига, резултати –

Феникс Санс-Оклахома Сити Тандер 128:101
Јута Џез-Далас Маверикс 114:122
Милвоки Бакс-Торонто Репторс 106:114
Мајами Хит-Индијана Пејерс 114:92
Лос Анџелес Лејкерс-Денвер Нагетс 124:121