Курти има 38 советници, пред да дојде на власт рече дека не му требаат повеќе од пет
Иако актуелниот премиер на Косово, Албин Курти, ја критикуваше владата на Рамуш Харадинај, која имаше 35 советници, велејќи дека тоа е непотребна бројка, сега во неговиот кабинет има 38 советници, пишува Коха.
Пред да стане премиер, Курти процени дека ќе му бидат доволни пет советници.
„Не ми требаат 35 советници, доволни се пет“, рече Курти во септември 2019 година.
Од 38 советници, колку што сега има кабинетот на Курти, 18 се политички, а 10 се владини и 10 функционери од надворешната политика, кои не се платени од буџетот.
Назначувањето на кабинетот на премиерот е определено со уредбата за областите на административна одговорност на кабинетот на премиерот и министерствата, според која премиерот може да именува најмногу 15 политички советници.
Регулативата ја нагласува и можноста премиерот да може да именува по девет советници од секоја од малцинските заедници.
Платите на членовите на кабинетот на Курти се движат од 493 евра до 1.302 евра, не сметајќи ги другите поволности што ги уживаат, како дневници, трошоци за репрезентација и друго.
Првиот вицепремиер Бесник Бислими има 18 советници во неговиот кабинет, додека министерката за надворешни работи и дијаспора Доника Гервала има уште тројца советници.