Во првиот полуфинален натпревар на финалниот турнир од Купот „Благоја Георгиевски-Буштур“ во женска конкуренција кој почна денеска во Македонска каменица, екипата на Баскет кам ја оправда фаворитската улога и излезе како победник против одлично мотивираниот и ангажиран состав на МЗТ Бела вода со резултат 74:63.

И по шести пат по ред, во последните шест години, Баскет кам ќе игра во натпреварот за трофејот во ова натпреварување.

Во екипата на Баскет кам, Кметовска имаше дабл-дабл учинок од 23 поени и 21 скок, а запиша и седум асистенции. Димова дојде до 14.поени (имаше и пет скока), Поп Димитровска постигна исто така 14 поени (забележа и 19 асистенции и четири скока), а Максимовска реализираше 12 поени (шест скока и пет асистенции).

Во редовите на МЗТ Бела Вода, Алексова дојде до 21 поен, пет скока и три асистенции, Херд додаде 14 поени (осум скока и четири асистенции), додека Милосављевиќ имаше 13 поени (и шест скока).

Од 17.30 часот е вториот полуфинален меч во кој играат екипите на Крива Паланка и на Бадел 1862.