На Фејсбук се појавија морничави фотографии од момче кое настрадало по предизвикот полевање со зовриена вода.

Новиот страшен предизвик се појавил во Америка, а тинејџерите се снимаат како се полеваат и пијат зовриена вода.

Анџела Гут од Кентаки е уапсена откако не повикала брза помош за 11-годишното момче кое нејзиниот син го полил со врела вода.

Последниот инцидент се случил во Кентаки каде што 11-годишниот Били Оливер бил хоспитализиран со изгореници од втор и од трет степен откако пријател го полил со врела вода додека спиел.

Неговата мајка Патрисија Оливер на фејсбук-профилот објавила фотографии од изгорениот врат и грбот на нејзиниот син за да ги предупреди родителите за опасниот тренд.

11-годишно девојче во Њујорк добило изгореници на лицето и на градите откако пријателите поради предизвик ја полиле со врела вода. На Флорида овој предизвик убил 8-годишно девојче кое се обидело преку цевка да пие вода која вриела.

„Ова е предизвик! Ве молам разговарајте со своите деца. Јас живеам во ноќна мора. Мојот син преноќи кај пријател, како и многупати претходно. Си легнал и се разбудил кога неговиот пријател му истурил врела вода, смеејќи се. Додека моето дете спиело, тој греел вода за да го полие“, напишала очајната Патриција.