Хари Кејн веќе една деценија важи за еден од најдобрите напаѓачи во Европа и светот. Со 280 голови е најдобар стрелец во историјата на Тотенхем и втор во Премиер лигата зад Алан Ширер, а со 76 погодоци е и најдобар стрелец во историјата на англиската репрезентација.

Откако се пресели во Баерн Минхен, продолжи да ја тресе мрежата и стана најдобар стрелец во Бундеслигата две сезони по ред. И оваа сезона е убедливо прв со 12 гола во само осум кола.

Но, кога неговите бројки ќе се споредат со оние на Кристијано Роналдо – разликата е неверојатна. Според статистичарите, Кејн во целата кариера има постигнато 488 голови, додека Роналдо – само по навршени 30 години – има 487!

Ако се земат предвид сите погодоци, Португалецот моментално има 950 голови и е на чекор до историскиот рекорд од 1.000 голови во официјални натпревари.

Со вакви бројки, споредбата меѓу Кејн и Роналдо изгледа речиси невозможна – Португалецот едноставно е на друго ниво.