Кристијан Голубовиќ повторно уапсен и тоа на денот кога е ослободен: Имал бизарни таблички на автомобилот (ФОТО)
Во Србија, Краљево, на улицата „Цар Лазар“, полицијата запрела мерцедес кој го возел Кристијан Голубовиќ, како и порше зад чиј волан се наоѓал Јован Т, а во двата автомобили имало 10 луѓе.
На двете возила на регистерските таблички била залепена напелница со одбележје „БГ-КРИСТИЈАН“, пишува српски Информер.
Полицијата по налог на обвинителството поднела кривична пријава против Кристијан Голубовиќ, Јован Т и Александар Џ., за кривично дело „фалсификување на исправи“, пренесуваат српските медиуми.
Против Голубовиќ ќе биде поднесена прекршочна пријава поради возење под дејство на наркотици и тој е задржан 12 часа во полицијата.
Петте лица кои биле во друштво на Голубовиќ, по скратена постапка ќе бидат однесени кај судија пред судот за прекршоци во Краљево, бидејќи не ја почитувале забраната за групни собири во време на вонредната состојба.
За потсетување, Голубовиќ пред два дена беше пуштен на слобода по осум години поминати во затвор.