Печеното пилешко „ала дијавола“ е класика на италијанската кујна која особено ќе им се допадне на оние кои сакаат зачинета храна. Едноставна емулзија направена од масло и медитерански билки, зачинети со лути пиперки, едноставно ќе го претвори обичното печено пилешко во сензација.

Можете да ги искористите „зачините“ по ваш избор, но дефинитивно се препорачува да го искористите она што веќе сте го пробале. Ќе ви требаат само десетина минути за да го подготвите и само неколку едноставни состојки.

Состојки:

1 цело пилешко (1,5 кг)
800 г компири, излупени и исечени на четвртинки
3 чешниња лук
2 лажички лута пиперка
10-15 листови жалфија
2-3 гранчиња рузмарин
30 мл маслиново масло
сол, по вкус
бибер, по вкус

Подготовка:

Загрејте ја рерната на 200 степени.
Лукот, жалфијата и рузмаринот, солта, биберот, лутата пиперка и маслиновото масло истолчете ги за да добиете мазна смеса.

Целото пилешко убаво премачкате го со мешавина од масло и зачини и ставете го на градите во плех обложен со хартија.

Во сад зачинете ги исечените компири со малку маслиново масло, сол и мелен лут пипер. Добро измешајте и префрлете ги компирите во плехот со пилешкото.

Печете 50 минути, а на половина од печењето превртете ги пилешкото и компирите за да се испечат од другата страна.