Кралското семејство на божиќната миса: Мама Кејт и малечката Шарлот вистинска атракција, кралицата воодушеви со стајлингот! (ФОТО)
Британското кралско семејство утринава традиционално се упати на божиќната миса.
Во црквата Св. Марија Магдалена во Сандрингем се упатија принцот Вилијам, неговата сопруга Кејт Мидлтон и нивните две деца, принцот Џорџ и принцезата Шарлот.
Со нив дојдоа и принцот Чарлс и Камила Паркер, како и принцезата Ана и кралицата Елизабета која го привлече целото внимание со својата облека во црвено од глава до пета, нешто што многу ретко го прави.
Сепак, присутните најмногу се забавуваа гледајќи во најмладите наследници на британското кралско семејство.
Како и секогаш кога некаде ќе се појави, малечката принцеза Шарлот е вистинска атракција, а со неа и нејзината мајка Кејт која непрекинато се обидува да ја смири темпераментната принцеза. Облечени во елегантни капути, Шарлот во зелен, а Кејт во сив, навистина изгледаа симпатично додека практично се бркаа низ дворот на црквата.
Покрај шегите, изгледа дека дошло време и за лесно воведување на малечката принцеза во кралските должности – како својата мајка така и таа слободно им пријде на насобраните луѓе и ја прегрна жената која и подари балон во облик на фламинго.
Како што беше најавено, принцот Хари и Меган Маркл не присуствуваа на традиционалната миса поради приватниот одмор, иако многумина до последен момент се надеваа дека сепак ќе ги видат. Исто така, Вилијам и Кејт одлучија да не го поведат со себе најмладиот син, принцот Луис.