„Кралевите“ заинтересирани за ветеранот Скола – Слободен печат
КошаркаСпорт

„Кралевите“ заинтересирани за ветеранот Скола

Кошаркарскиот тим на Реал Мадрид започна преговори со еден од најдобрите кошаркари на неодамна завршениот Мундобаскет.

Ветеранот Луис Скола на неодамна завршеното Светско првенство во Кина, покажа дека и со 39 години се уште е меѓу најдобрите кошаркари на денешницата. Тој беше лидер на аргентинската репрезентација која на крајот го освои второто место откако загуби во финалето од Шпанија.

Токму одличните игри на Мундобаскетот во Кина беа препорака за претседателот на кошаркарската секција на Реал Мадрид, Хуан Карлос Санчез да започне преговори за ангажман на одличниот Аргентинец.

Скола е дамнешна желба на „кралевите“, тие пред пет години се обидоа да го ангажираат но трансферот не се реализира бидејќи Аргентинецот не сакаше да игра за друг клуб во Шпанија освен Басконија во која мина девет сезони. Освен од Реал Мадрид, 39-годишниот Скола има понуди и од неколку кинески екипи кои не жалат пари за да го задржат Аргентинецот во нивниот шампионат. Но, во Реал Мадрид се надеваат дека тројцата Аргентинци, Кампацо, Лапровитола и Дек ќе го натераат ветеранот да стане „крал“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close