Косово и се заканува на Македонија со реципроцитет – Слободен печат
ВестиЕкономија

Косово и се заканува на Македонија со реципроцитет

Шала испратил писмо до министерот за економија на Македонија, Крешник Бектеши.

Косово испратило официјално писмо до Владата на Република Северна Македонија барајќи да се отстранат бариерите што се ставени на косовските производи, поточно во случајот со увоз на жива риба за размножување. Доколку не се отстранат бариерите, косовските власти ветуваат дека ќе ги применат истите мерки за реципроцитет и на македонските производи, пишува Експрес.

Ова го соопшти денеска поранешниот министер за трговија и индустрија на Косово, Ендрит Шала. Тој испратил писмо до министерот за економија на Северна Македонија, Крешник Бектеши.

Преку ова писмо Шала побара Македонија да ги отстрани бариерите што ги наметна за косовските производи.

– Инаку, ние ќе разгледаме мерки за реципроцитет за сите производи од Северна Македонија кои се извезуваат во Косово – рече Шала.

Телеграфи инаку потсетува дека преку одлука што стапи во сила на 1 јуни годинава, Македонија забрани увоз на жива риба наменета за одгледување или полнење езерцата со мали риби со потекло од Косово.

Покрај тоа, ставен е и данок од околу 700 евра за секој влез на камиони со риби во Северна Македонија.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Еден коментар

  1. Поново закани. И тоа од кого? Од недефинирана територија секојдневно добиваме закани. Дај, мавнете се еднаш, научете како треба да комуницирате, па после јавете се.

Напишете коментар

Вашата адреса за е-пошта нема да биде објавена. Задолжителните полиња се означени со *

Close