Иако во претходните месеци се чинеше дека коронавирусот накратко престана да циркулира, бројките на заразени го кажуваат спротивното и се сè поголеми.

Како што беше напишано неодамна, бројот на заразени со ковид и хоспитализирани расте не само во САД, туку и во Европа и Азија, но за среќа – останува далеку под претходните кулминации. Смртноста е релативно ниска во Соединетите Држави – забележени се околу 2,000 случаи во август – иако земјата доживеа 1,1 милион смртни случаи од ковид од почетокот на пандемијата.

Колку е, всушност, опасно ако се разболиме втор (или трет или четврти) пат? Што можеме да очекуваме ако повторно нè „фати“ овој вирус?

Лекарите и научниците кои го проучуваат ковид се согласуваат дека за повеќето луѓе, заразувањето по втор – или трет или четврти – пат е во основа неизбежно. Колку подолго ќе се задржи вирусот, толку почести ќе бидат повторените инфекции, особено во светло на неодамнешниот летен пораст на заразени и новите доминантни варијанти.

Експертите исто така предупредуваат дека не постои такво нешто како инфекција без ризик, но тие се обидуваат да разјаснат колку може да бидат штетни повторените инфекции – дали симптомите стануваат потешки или послаби и дали се зголемува ризикот од развој на долгорочен ковид по повеќекратни заболувања.

Недостигаат податоци за исходите од Ковид-19, вклучително и колкав дел од луѓето со повторени инфекции развиваат подолготрајни компликации, вели д-р. Марк Сала, ко-директор на Центарот за проучување на Ковид на Универзитетот Северозападен. Но, еве што знаеме досега.

Тежина на повторени инфекции

За многу луѓе кои постојано добиваат Ковид, последователните инфекции ќе бидат благи или поблаги од претходните, покажуваат новите податоци, веројатно поради делумниот имунитет стекнат од претходни инфекции, вакцини и фактот дека најновите циркулирачки варијанти генерално предизвикуваат помалку сериозни симптоми. Исто така, постојат неколку исклучоци – особено кај луѓето кои се имунокомпромитирани, постари или имале особено тешки претходни инфекции. Луѓето кои имале тешка прва инфекција имаат поголема веројатност да завршат во болница или да имаат потреба од медицинска помош за повторна инфекција, вели Емили Хедли, научник од RTI International која го проучува т.н. продолжен ковид.

Реинфекција и долг ковид

Шансите да добиете долг ковид по повторната инфекција се прилично непредвидливи – неколку експерти го споредуваат со руски рулет. Колку се поблаги симптомите, толку е помала веројатноста да добиете продолжен ковид, рече др. Питер Чин-Хонг, специјалист за заразни болести на Универзитетот во Калифорнија, Сан Франциско. Но, секогаш кога ќе добиете инфекција, без оглед на тежината, секогаш постои шанса да развиете долгорочни симптоми.

Еден труд објавен минатата есен во списанието Nature Medicine покажа дека луѓето со две или повеќе инфекции со ковид имаат повеќе од три пати поголеми шанси да развијат проблеми со белите дробови и срцето и повеќе од 1,5 пати поголема веројатност да имаат невролошки нарушувања, вклучително и т.н. мозочна магла и мозочен удар, од оние кои биле заразени само еднаш.

Студијата користеше податоци собрани од здравствените центри на Министерството за ветерани на САД, што значеше дека учесниците беа главно постари од општата популација и претежно машки пол. Но, излегува дека повеќекратните инфекции се полоши од една, рече еден од нејзините автори, д-р Зијад Ал-Али од Св. Луиза.

Лекарите посочуваат дека често гледаат пациенти кои биле повеќе или помалку во добра состојба по првите неколку инфекции, но по третата или четвртата инфекција завршуваат со долг ковид.

Заклучокот е дека ако претходно сте имале среќа да немате долгорочни симптоми, не значи дека ќе ги имате следниот пат.

Сепак, тешко е да се дојде до едногласен заклучок за тоа дали повторната инфекција го зголемува ризикот од долгорочен ковид, рече Фикаду Тафесе, виролог на Универзитетот во Орегон. „Реинфекцијата е многу контроверзна. Буквално во зависност од тоа кој труд го читате, има спротивставени информации за ова. Значи, не знам во што да верувам“, вели овој виролог.

Д-р Пол Сакс, исто така, рече дека севкупниот ризик од развој на долгорочен ковид е сè уште низок и сега е многу помал отколку што беше на почетокот на пандемијата, кога инфекциите беа потешки.

Повторната инфекција може да ги влоши симптомите кај луѓето кои долго време страдаат од ковид, рече д-р Чин-Хонг. Сепак, други со долга ковид може да не видат никаква промена во нивните симптоми.

Што можеме сами да направиме?

Како што вели д-р Дејви Смит, специјалист за заразни болести на Универзитетот во Калифорнија, Сан Диего, вели дека можеме да го намалиме ризикот од инфекција со здрави мерки како што се вечера надвор додека е топло и избегнување дружење со пријателите кога тие се болни.

Се разбира, многу нешта се надвор од наша контрола.

„Не сакам да добијам ковид, но не сум сигурен дека би сакал да живеам во балон“, вели д-р Чин-Хонг.

Тој, исто така, истакна дека постојат начини да се намали ризикот од долгорочни компликации: Ажурирана вакцина, која може да помогне во заштитата од реинфекција, ќе биде достапна оваа есен, а антивирусни лекови како Паксловид може да го намалат ризикот од развој на долгорочен ковид.

Д-р Чин-Хонг вели и дека има маска во џебот за секој случај, но дека на пример тој не би се откажал од патување или избегнувал да го прегрне пријателот со кој налетал поради загриженоста за корона.

„Се справувам најдоброто што можам. Но, не се плашам“, заклучил тој.