Коронавирус: Дали носењето маски ќе предизвика долгорочни ефекти кај децата
Носењето заштитна маска стана наша рутина уште кога почна епидемијата КОВИД-19, а денес очекувана пракса која завзема голем дел од нашето секојдневние.
Но, родителите и експертите изразија голема загриженост во врска со долгорочните ефекти што може да ги предизвика носењето маски кај најмалите.
Едно истражување од 2016 година објавено во „Frontiers in Psychology“ кое всушност е академско списание, покажа дека изразот на лицето и визуелните сигнали се од круцијална важност за децата. Тоа им овозможува да споделуваат и да ги идентификуваат емоциите за време на секоја социјална интеракција.
Арти Мунда, мастер во советување и обука изјави дека носењето маска може да доведе до развојни одложувања во комуникациските прашања во процесот кога децата учат да се изразуваат.
Словенците ги тестираа заштитните маски: Која најмалку штити од ковид-19, а која најмногу?
„Комуникацијата е длабоко под влијание на визуелните сигнали. Вокалните сигнали имаат само 38% влијание. Ова ја прави потребата да се изразат и видат знаците на лицето, навистина значајна“, вели таа.
Вербалните сигнали се однесуваат на зборови, додека вокалните сигнали го опфаќаат тонот на гласот или јачината на звукот.
„Тоа исто така може да предизвика одложување во развојот на социјална и емоционална интелигенција бидејќи децата не се во можност да ги соберат „пофините“ нијанси кои се од клучно значење за нивното разбирање на чувствата“, додава Мунда.
Како да ги надминеме комуникациските бариери што ни ги создаваат заштитните маски?
Но, предучилишните установи се обидуваат да најдат начини како да го подобрат тоа. Развојот на говорот е особено клучен за децата на возраст од две до три години.
Наставниците ќе мора да посветат поголемо вниание на децата кои се потивки и на кои можеби ќе им треба повеќе помош. Особено за најмалите, наставниците веројатно ќе мора да носат визири наместо маски. Многу е потребно, покрај тоа што го слушаат децата да можат да видат и како се изговараат зборовите.
Нг Ју Ксијан, извршен директор на Меѓународната образовна група „EtonHouse“, исто така изјави дека многу емотивни потреби можат да останат незабележани кога лицата на децата се зад маски.
Оттука, се поставува прашањето дали е потребно дополнително внимание за толкување на невербалните знаци што ги даваат децата, вклучувајќи го и говорот на телото и гестовите во обид да се пренесе порака или да се изразат емоции.
Маските исто така можат да го отежнат разбирањето на говорот, особено во случај на зборови со сличен звук. Затоа Светската здравствена организација и Меѓународниот фонд за деца и итни случаи на Обединетите нации советуваат дека децата од пет и под пет години не треба да носат маски.
Наставниците во градинките, во почетните одделениа исто така морат да користат едукативни ресурси, како што се постери, налепници, книги со приказни, листови со активности и игри со карти. Да се најдат креативни начини да им помогнат на децата да разберат зошто мораат да носат маски.
За сите е тешко, но доколку се претстави како игра во која имаме мисија да се бориме против вирусот, ќе успееме!
Што покажа истражувањето? Список на заштитни маски – од најдобра до најлоша