ВИДЕО | „Ја уби, а не си во затвор!“: Алек Болдвин вознемируван од пропалестинска активистка, се случил инцидент
Шокантна снимка се појави на социјалната мрежа Икс, поранешен Твитер. Сè се случило во кафуле каде на актерот Алек Болдвин му пришла жена која ги застапува пропалестинските ставови. Се случила сериозна и непријатна ситуација која кулминирала.
На снимката направена во некое кафуле, додека Болдвин плаќа за својата нарачка и го држи мобилниот телефон на увото, жената со својот мобилен телефон го снима и неколкупати упорно бара од него да каже „Слобода за Палестина“ и да го опцуе Израел и ционизмот. Кога девојката видела дека Болдвин ја игнорира, таа ја променила темата. Следното прашање е: „Зошто ја уби таа жена? Ја уби жената и не доби затворска казна? Нема затвор, Алек!“
Таа алудирала на тоа што Болдвин во 2021 година на снимањето на филмот „Рѓа“ (Rust) ја застрела снимателката Халина Хачинс. Одговорната за оружје на сетот Хана Гутиерез-Рид неодамна беше осудена на 18 месеци затвор, а случајот против Болдвин е во тек.
Таа не се откажувала: „Ослободете ја Палестина, кажи само еднаш Алек и ќе те оставам на мир. Ќе те оставам на мир, се колнам. Само кажи еднаш: ’Слободна Палестина‘“.
White devil Alec Baldwin attacked me
While I was trying to get coffeee pic.twitter.com/qebME0V4Wl— Crackhead Barney & Friends (@CHBAF) April 22, 2024
Видно изнервиран Болдвин им рекол на вработените да ја исфрлат жената од кафулето. Тој го напуштил локалот и ја замолил девојката да излезе.
„Знаеш дека тој е криминалец“, му се обратила таа на вработениот во локалот, па повторно му се обратила на актерот: „Ајде, Алек, само еднаш кажи ’Ослободете ја Палестина‘, те молам… и ќе те оставам на мир. Ослободете ја Палестина. Е**н Израел. Е**н ционизам. Те молам, кажи го тоа. Еднаш.
Болдвин на крајот ѝ рекол: „Можеш ли да ми направиш една брза услуга?“, и ѝ го одзел телефонот од раце.
Шокантната реакција на актерот е вирална на социјалните мрежи, меѓутоа, шокантно е и вознемирувањето што Болдвин го доживеал од непознатата девојка.
Алек Болдвин побара од судот да ги отфрли обвиненијата против него за убиството на Халина Хачинс