ВИДЕО | „Ангелите живеат засекогаш“: „Београдски синдикат“ сними песна за трагедијата во училиштето „Владислав Рибникар“
Српскиот хип-хоп состав „Београдски синдикат“ ја објави песната „Anđeli žive doveka“ непосредно пред годишнината од пукањето во основното училиште „Владислав Рибникар“ во Белград, трагедија која се случи на 3 мај минатата година.
Песната е снимена и објавена со согласност од родителите и семејствата на настраданите. Раперите најавија дека сите заработени пари од песната ќе ги донираат во хуманицарни цели.
„Песната е создадена во знак на сеќавање и почит кон малите ангели (и еден голем), трагично загинатите во ОУ ‘Владислав Рибникар’ на 3 мај 2023 година. Спотот за песната е снимен по повод годишнината од трагедијата, со согласност и поддршка на родителите и семејствата на загинатите. Сите приходи ќе бидат исплатени за хуманитарни цели“, велат од „Београдски синдикат“.
„Господи, чувај ги и благослови ги нашите деца и дај им го местото на ангелите кое го заслужуваат поради нивната невиност и добрина и не дозволувај никогаш да се повторат слични трагедии“, порачаа дополнително.