После четири години откако вработените од Министерството за транспорт и врски се вселија во реновираната зграда на плоштадот Филип Втори или попознат кај скопјани како плоштад Карпошово востание, конечно почна да се уредува просторот кој, по завршувањето на градежните работи, остана запуштен и раскопан пред овој објект.

Од ЈП „Паркови и зеленило“ се фатија за работа и просторот ќе го претворат во зелена површина.

Периодов екипите работат на уредување на зеленилото на јавна површина – зелен плоштад во центарот на градот. Хортикултурното уредување се одвива етапно на потег од споменикот Филип Втори до Даут-пашин амам – информираа од јавното претпријатие.