Во текот на изминатата недела, екипите на ЈП „Комунална хигиена“ расчистувале диви депонии низ скопските општини, при што подигнале и транспортирале приближно 200  метри кубни отпад.

Како што информираа од претпријатието, повторно било интервенирано на булеварот Никола Карев, односно на Пластичарска улица, каде што биле  подигнати 40 кубици мешан комунален и кабаст отпад фрлени покрај детското игралиште на аголот со улицата Максут Садик.

Еко-патролата на ЈП „Комунална хигиена“ минатата недела врачи десет записници за лица и правни субјекти затекнати при непрописно одлагање отпад. Најголем број записници се изготвени во скопската општина Чаир, додаваат од претпријатието.