Научниците во Италија го истражуваат изгледот на розовиот мраз пронајден во Алпите и сметаат дека причина за тоа се алгите кои се појавиле поради климатските промени.

Се расправа за тоа од каде потекнуваат алгите, но Бијаџо ди Мауро од италијанскиот Национален совет за истражување вели дека розовиот снег, кој е забележан на делови од глечерот Пресен, веројатно е обоен од истото растение кое е пронајдено на Гренланд, пренесува АФП.

„Алгите не се опасни. Тоа е природна појава која се јавува во текот на пролетта и летото на средните географски ширини, но и на половите“, рече Ди Мауро, кој и претходно ги проучувал алгите на глечерот Мортерахт во Швајцарија.

Растението познато како Ancylonema nordenskioeldii, е присутно во таканаречената Мрачна зона на Гренланд, каде што се топи мразот.

Мразот обично одбива повеќе од 80 проценти од сончевото зрачење и го испраќа во атмосферата, но како што се јавуваат алгите, тие го затемнуваат мразот и така ја апсорбираат топлината и побрзо се топи.

Ако мразот брзо се топи, се појавуваат повеќе алги, што им дава вода и воздух и додава црвена нијанса на белиот мраз на глечерот Пазо гавија, кој е на надморска височина од 2.618 метри.

„Се што ќе успее да го потемни снегот ќе направи тој побрзо да се топи зошто ја забрзува апсорпцијата на радијацијата“, рече Ди Мауро.

„Се обидуваме да го намалиме влијанието на другите појави, покрај човечката, на загревањето на Земјата“, рече Ди Мауро, напоменувајќи дека присуството на планинари и жичари може да влијае и на алгите.

Туристите на глечерот жалат поради влијанието на климатските промени и велат дека оваа година уште само алги на Алпите фалеле, што се што доживеа човештвото.