Која е Лиз Трас, новата британска министерка за надворешни работи
Британскиот премиер Борис Џонсон денеска ја назначи Лиз Трас, моменталната министерка за надворешна трговија, за министерка за надворешни работи, објави британската влада.
Лиз Трас (46) ќе го замени Доминик Раб, кој е цел на критики од внатрешноста за време на авганистанската криза, пренесува Скај.
Раб сега ќе биде министер за правда.
Елизабет Лиз Трас беше вклучена во трговските преговори помеѓу Велика Британија и Европската унија по Брегзит и работеше на создавање нови врски во слободната трговија со други земји и е популарна меѓу членовите на Конзервативната партија.
The Rt Hon Elizabeth Truss MP @trussliz has been appointed Secretary of State for Foreign, Commonwealth and Development Affairs @FCDOGovUK
She remains as Minister for Women and Equalities @GEOgovuk #Reshuffle pic.twitter.com/hGKPeI3Gny
— UK Prime Minister (@10DowningStreet) September 15, 2021
Таа ќе остане министер за женски прашања и еднаквост.
Трас беше поранешен секретар за правда и заштита на животната средина под водство на Тереза Меј. Назначувањето на Трас на оваа позиција ќе значи дека таа ќе биде само втората жена министер за надворешни работи по Маргарет Бекет, додека Тони Блер беше премиер.
Жените сега заземаат две од четирите главни позиции во кабинетот на Борис Џонсон, откако беше потврдено дека Прити Пател останува на позицијата британски државен секретар.
Елизабет Мари Трас е родена на 26 јули 1975 година. Се школувала на Универзитетот Оксфорд. Пред политиката, Трас работела како комерцијален директор во нафтената и гасната компанија Шел, пред да стане економски директор во британска телекомуникациска компанија.
Џонсон под притисок, Доминик Раб повеќе не е министер за надворешни работи