Од горд Македонец до истакнат Бугарин, македонски патриот, волонтер, нарко дилер, жртва или политички профитер? Ова се дел од лицата на Христијан Пендиков, претепаниот охриѓанец кој веќе на 23 години има богата биографија и од неодамна заврши со три скршеници на вилицата во бугарска болница.

Според она што го објавил самиот на социјалните мрежи, Пендиков бил член на Унијата на млади сили на ВМРО-ДПМНЕ во минатото, активно учествувал во протестите против промената на уставното име, застанал во одбрана на извршителите на нападот на Собранието на 27 април.

Младиод охриѓанец кој сега се преставува како Бугарин во минатото го постирал Гоце Делчев со изјавата дека во „Македонија се говори и се пишува на македонски јазик“. Истиот тој кој сега е нанасловните страни на бугарските портали во минатото споделувал содржина и порачувал во постови на социјалните мрежи дека „Македонија е пред сѐ и над сѐ“, дека „Македонија е сѐ што имаме, друга татковина немаме“ . Охриѓанецот во својата биографија му е впишано и тоа дека тој и општествено одговорен и дури бил прогласен за волонтер на месецот на Црвен крст во Македонија.