Навивачите на Челси конечно ја дочекаа веста што ја посакуваа – Кол Палмер ќе биде подготвен за големото дерби против Арсенал во 13. коло од Премиер лигата.

Еден од најважните играчи на „сините“ не беше на терен од 20 септември, кога Челси беше поразен од Манчестер јунајтед. Младата ѕвезда потоа пропушти два месеци поради повреда на ножниот прст.

И покрај неговото отсуство, тимот на Енцо Мереска оствари солидни резултати и загуби само два дуели во шампионатот. Затоа Челси го дочекува дербито со лидерот Арсенал со само шест бодови негатива.

Менџерот Мереска ја потврди веста која ги изненади многумина:

„Подготвен е и сите сме среќни поради тоа. Среќни се и неговите соиграчи, но најважно е што тој самиот е среќен – фудбалерите живеат за да тренираат и играат натпревари“, изјави Мереска пред дуелот што се игра во недела од 17:30 на „Стенфорд Бриџ“.

Палмер сезонава одигра само три премиерлигашки натпревари и постигна еден гол, а неговото враќање доаѓа во клучен момент – Челси го очекуваат три тешки натпревари во првата третина од декември.